إوعاك فى الندل تنفُخ
ولا يوم تكيل بكيله
فى الليل ينصب لك الفَخ
ويموت يشوفك باكى له
----
الندل ياكل مع الديب
ويعود مع الراعى يرعى
وكلامه يطلع كما الطيب
والفعل كما فعل أفعى
-----
من عاب لغيرك يعيب لك
والبُعد عنه غنيمة
لو يوم تصاحبه يجيب لك
بلوه بخصاله الذميمة
-----
من قل قيمتك ومشاك
حفيان على سن شوكه
كم كل ف عيشك ومشاك
ولبس جديدك بشوكُه
-----
لمينا فى الندل ما اتلم
وسَحَب لسانه لبره
يرحم أبوه اللى مات لم
يازمان سيدت غربان
على جو طارح جوارح
غابت شوارب وغر بانوبكت معايا الجوارح
ــــــــــ
زمن الندالة فتل لى
من شوكه حبل لوصالى
وذكر عيوبى وفات اللى
كان من محاسن خصالى
ــــــــــ
كم كنت فى وسط ليلك
كما عصايه لكفيف
وجعلت نفسى دليلك
وتركتنى ف حَر صيف
-----
عليا ليل الشتا طال
والندل برم شنابه
يحسب زمان الشقا طال
منى وعزمى شى نابُه
-----
أكلوني يوم كنت لحمة
ولما صرت عضمة رموني
وسابوني في وسط زحمة
والعمر سارق عيوني
ــــــــ
ورضينا يا عم بالهم
والهم مش راضي بينا
والندل يوم البلا عم
بالطوب عقط علينا
ـــــــ
الندل لو يوم يفارق
لا كسر وراه قُلتين
لما اشوفه عند المَفارق
بارجع ورا خطوتين
ــــــ
يا ندل رايح على فين ؟
سافر وقلبي داعي لك
إن كنت ناوي على البين
آدي أجرة اللي يعيلك
ليست هناك تعليقات:
إرسال تعليق